വെടിക്കെട്ടില്ലാതെ തൃശൂര് പൂരം നടത്താന് തീരുമാനം. ആചാരപരമായ ആഘോഷം മാത്രമായി നടത്താനാണ് തീരുമാനം. കുടമാറ്റം ഉള്പ്പെടെയുള്ള ചടങ്ങുകള് നടത്തും. ഇലഞ്ഞിത്തറമേളം, മഠത്തില്വരവ് ഉള്പ്പെടെയുള്ള ചടങ്ങുകള് നടത്തും. ഉന്നതതല യോഗത്തിലാണ് വെടിക്കെട്ടില്ലാതെ പൂരം നടത്താമെന്ന് തീരുമാനിച്ചത്. 15 വീതം ആനകളെ അണിനിരത്തുമെന്നും വിവരമുണ്ട്.
കുടമാറ്റം നടത്തിയേ മതിയാകൂ എന്ന് ദേവസ്വങ്ങളുടെ തീരുമാനത്തെ യോഗത്തില് അംഗീകരിക്കുകയായിരുന്നു. കുടമാറ്റവും വെടിക്കെട്ടും ഒഴിവാക്കാമെന്ന് സര്ക്കാര് നിര്ദേശം വെച്ചിരുന്നു. കുടമാറ്റം ഒഴിവാക്കാന് ആകില്ലെന്ന് ദേവസ്വങ്ങള് നിലപാടെടുക്കുകയായിരുന്നു.
മന്ത്രിമാരും പാറമേക്കാവ്, തിരുവമ്പാടി ദേവസ്വം ബോര്ഡ് അംഗങ്ങളും യോഗത്തില് പങ്കെടുത്തിരുന്നു. ദേവസ്വം ബോര്ഡ് പ്രതിനിധികളും മന്ത്രിമാരടക്കം സ്വീകരിച്ച നിലപാടിനോട് അനുകൂലമായി പ്രതികരിക്കുകയായിരുന്നു.