കല്പ്പറ്റ: വയനാട്ടില് നാളെ റെഡ് അലര്ട്ട് പ്രഖ്യാപിച്ച സാഹചര്യത്തില് കര്ശന നിയന്ത്രണങ്ങള് ഏര്പ്പെടുത്തി. നാളെയും മറ്റന്നാളും വിനോദസഞ്ചാര കേന്ദ്രങ്ങള് തുറക്കരുത്. റിസോര്ട്ടുകളും ഹോംസ്റ്റേകളും പ്രവര്ത്തിപ്പിക്കരുതെന്നും വയനാട്ടിലേക്കുള്ള യാത്ര പരമാവധി ഒഴിവാക്കണമെന്നുമാണ് നിര്ദേശം.
പുഴയിലോ, വെള്ളക്കെട്ടിലോ കുളിക്കാന് ഉള്പ്പെടെ ഇറങ്ങാന് പാടുള്ളതല്ല. അത്യാവശ്യമില്ലാത്ത യാത്രകള് ഒഴിവാക്കാന് ശ്രദ്ധിക്കണമെന്നും ജില്ലാ കലക്ടര് അറിയിച്ചു. ഞായറാഴ്ചയും സംസ്ഥാനത്ത് വ്യാപകമഴയ്ക്ക് സാധ്യതയുണ്ടെന്നാണ് മുന്നറിയിപ്പ്. വയനാട്, കോഴിക്കോട്, മലപ്പുറം ജില്ലകളില് ഞായറാഴ്ചയും റെഡ് അലര്ട്ട് തുടരും. കണ്ണൂര്, കാസര്കോട്, പാലക്കാട്, തൃശൂര് ജില്ലകളില് ഞായറാഴ്ച ഓറഞ്ച് അലര്ട്ടാണ്. മറ്റെല്ലാ ജില്ലകളിലും യെലോ അലര്ട്ടാണ്.