ഏതെല്ലാം ദിവസങ്ങളില് അവധിയുണ്ട്, ഏതെല്ലാം ദിവസങ്ങളായിരിക്കും പ്രവൃത്തിദിനങ്ങള് എന്നെല്ലാം നമ്മള് എപ്പോഴും ശ്രദ്ധിക്കാറുണ്ട്. വിദ്യാഭ്യാസ സ്ഥാപനങ്ങള്, ഓഫീസുകള്, സര്ക്കാര് സ്ഥാപനങ്ങള് എന്നിവയുടെ അവധിയുമായി ബന്ധപ്പെട്ടാണ് അന്വേഷണങ്ങള് ഏറെയും വരാറുള്ളത്. എന്നാല് ഇവയുടെ മാത്രം അവധിയാണോ മലയാളികള് അന്വേഷിക്കാറുള്ളത്? മലയാളികള് ആകാംക്ഷയോടെ നോക്കുന്ന മറ്റൊരു അവധിയാണ് ബെവ്കോയുടേത്.
സംസ്ഥാനത്തെ ബെവ്കോ ഔട്ട്ലെറ്റുകള് ഏതെല്ലാം ദിവസങ്ങളില് പ്രവര്ത്തിക്കും ഏതെല്ലാം ദിവസങ്ങളില് അടഞ്ഞുകിടക്കും എന്നെല്ലാം മലയാളികള് എപ്പോഴും അന്വേഷിക്കുന്നു. ഓണക്കാലം കഴിഞ്ഞെങ്കിലും ബെവ്കോയുടെയും അവധികള് കഴിഞ്ഞിട്ടില്ല. സെപ്റ്റംബര് മാസത്തിലും ധാരാളം അവധികള് വരുന്നുണ്ട്. ഇനി വരാനിക്കുന്ന പ്രധാന ആഘോഷം ശ്രീകൃഷ്ണ ജയന്തിയാണ് ഇന്നേ ദിവസം ബെവ്കോ തുറന്നുപ്രവര്ത്തിക്കുമോ?
ശ്രീകൃഷ്ണ ജയന്തിക്ക് അവധിയുണ്ടോ?
ശ്രീകൃഷ്ണ ജയന്തി ദിനത്തില് സംസ്ഥാനത്ത് പൊതുഅവധിയാണ്. എന്നാല് ഈ ദിവസത്തില് കേരളത്തിലെ ബെവ്കോ ഔട്ട്ലെറ്റുകള്ക്ക് അവധി ഉണ്ടായിരിക്കില്ല. സര്ക്കാര് ഡ്രൈ ഡേ ആയി നിശ്ചയിച്ചിട്ടില്ല എന്നതാണ് ഇതിന് കാരണം. സാധാരണ ദിവസങ്ങളിലേത് പോലെ തന്നെ ബെവ്കോ ശ്രീകൃഷ്ണ ജയന്തിക്കും തുറന്നുപ്രവര്ത്തിക്കും.
2026ലെ ഡ്രൈ ഡേകള്
- ശ്രീനാരായണ ഗുരു ജയന്തി
- ശ്രീനാരായണ ഗുരു സമാധി ദിനം
- ഗാന്ധി ജയന്തി (ഒക്ടോബര് 2)
- റിപ്പബ്ലിക് ദിനം (ജനുവരി 26)
- സ്വാതന്ത്ര്യദിനം (ആഗസ്റ്റ് 15)
- ദുഃഖവെള്ളി
എന്നീ ദിവസങ്ങളിലാണ് കേരളത്തില് ഡ്രൈ ഡേ ഉള്ളത്. ഇതിന് പുറമെ എല്ലാ മാസവും ഒന്നാം തീയതികളിലും ബെവ്കോ ഔട്ട്ലെറ്റുകള് തുറന്നുപ്രവര്ത്തിക്കുന്നതല്ല.