ദേശീയ പണിമുടക്കിന്റെ രണ്ടാം ദിവസം തിരുവനന്തപുരം സെക്രട്ടേറിയറ്റിന് സമീപത്തെ എസ്ബിഐ ട്രഷറി ഓഫീസ് അടിച്ചു തകര്ത്ത കേസില് ജില്ലയിലെ എന്ജിഒ യൂണിയന്റെ രണ്ട് പ്രമുഖ നേതാക്കള് അറസ്റ്റില്. അശോകന്, ഹരിലാല് എന്നിവരാണ് അറസ്റ്റിലായത്.
എന്ജിഒ യൂണിയന് തിരുവനന്തപുരം ജില്ലാ സെക്രട്ടറിയാണ് ഹരിലാല്. ഇയാള് ടെക്നിക്കല് എജ്യൂക്കേഷന് വിഭാഗത്തിലെ അറ്റൻഡറാണ്. എന്ജിഒ യൂണിയന് തൈക്കാട് ഏരിയാ സെക്രട്ടറിയാണ് അശോകന്. ഇയാള് ട്രഷറി ഡയറക്ടറേറ്റിലേ ഉദ്യോഗസ്ഥനാണ്. തിരിച്ചറിയല് പരേഡ് നടത്തുമെന്നും പൊലീസ് അറിയിച്ചു.
സെക്രട്ടേറിയേറ്റിന് സമീപത്തെ എസ്ബിഐ ഓഫീസ് അടിച്ചു തകര്ത്ത് ദിവസം തികഞ്ഞിട്ടും കുറ്റവാളികളെ കണ്ടെത്താനോ അറസ്റ്റ് ചെയ്യാനോ കഴിയാത്ത പൊലീസ് നടപടിക്കെതിരെ രൂക്ഷ വിമര്ശനം ഉയര്ന്നപ്പോഴാണ് അറസ്റ്റ് രേഖപ്പെടുത്താന് പൊലീസ് തയ്യാറായത്.