കൊച്ചി: ഗായിക റിമി ടോമിയും ഭര്ത്താവ് റോയ്സുമായി വിവാഹ മോചനം ആവശ്യപ്പെട്ട് എറണാകുളം കുടുംബ കോടതിയില് ഹര്ജി നല്കി. ഏപ്രില് 12നാണ് ഹര്ജി നല്കിയത്. ഉഭയ സമ്മതപ്രകാരമാണ് ഹര്ജി. ഒന്നിച്ച് മുന്നോട്ട് പോകാന് കഴിയാത്ത സ്ഥിതിക്ക് വിവാഹമോചനം അനുവദിക്കണം എന്നാണ് ഹര്ജിയിലെ ആവശ്യം.
നേരത്തെ റിമിയോടും ഭര്ത്താവിനോടും വ്യാഴാഴ്ച ഹാജരാകാന് കോടതി ആവശ്യപ്പെട്ടിരുന്നു. രണ്ടുപേരും കോടതിയില് ഹാജരായിരുന്നു. ഇരുവര്ക്കും കൗണ്സിലിംഗ് നിര്ദേശിച്ച കോടതി കേസ് പരിഗണിക്കുന്നത് മാറ്റി. മാധ്യമങ്ങളെ പോലും അറിയിക്കാതെയാണ് കുടുംബകോടതിയില് ഹര്ജി ഇവര് ഫയല് ചെയ്തിരിക്കുന്നത്. 2008ലാണ് റോയ്സ് കിഴക്കൂടനുമായുള്ള റിമിയുടെ വിവാഹം നടന്നത്.