കോട്ടയം : സിസ്റ്റര് ലൂസി കളപ്പുരയ്ക്കെതിരെ വീണ്ടും ഭീഷണിയുമായി സഭ. സഭാ അധികൃതര്ക്കെതിരെ നല്കിയ പരാതികള് പിന്വലിക്കണമെന്ന് ആവശ്യപ്പെട്ട് സിസ്റ്റര് ലൂസിക്ക് സഭാനേതൃത്വം കത്തയച്ചു. എഫ്സിസി സുപ്പീരിയര് ജനറല് ആന് ജോസഫാണ് കത്ത് അയച്ചിരിക്കുന്നത്.
അപ്പീല് തള്ളിയ സാഹചര്യത്തില് സഭയില് നിന്ന് പുറത്തുപോകുകയോ അല്ലെങ്കില് സഭയ്ക്ക് എതിരെ ഉന്നയിച്ച ആരോപണങ്ങള്,രണ്ട് പൊലീസ് പരാതികള് തുടങ്ങിയ പിന്വലിച്ച് മാപ്പുപറഞ്ഞ് അത് മാധ്യമങ്ങള്ക്ക് പ്രസിദ്ധീകരിക്കാന് നല്കണമെന്നാണ് കത്തില് ആവശ്യപ്പെട്ടിരിക്കുന്നത്. പരാതികള് പിന്വലിച്ചില്ലെങ്കില് നിയമനടപടി സ്വീകരിക്കുമെന്നും കത്തില് മുന്നറിയിപ്പ് നല്കിയിട്ടുണ്ട്.