കളിയിക്കാവിള എഎസ്ഐയെ വെടിവെച്ച് കൊന്ന കേസില് ആസൂത്രണം നടന്നത് കേരളത്തിലാണെന്നതിന് കൂടുതല് തെളിവുകള്. വെടിവയ്പ്പിന് രണ്ട് ദിവസം മുമ്പ് പ്രതികള് നെയ്യാറ്റിന്കരയിലെത്തി. 7, 8 തീയതികളില് പ്രതികള് പള്ളിയിലെത്തിയതിന്റെ സിസിടിവി ദൃശ്യങ്ങള് പൊലീസിന് ലഭിച്ചു.
വിതുര സ്വദേശി സെയ്ത് അലി ഏര്പ്പാടാക്കിയ വീടിലാണ് പ്രതികള് താമസിച്ചതെന്നാണ് പൊലീസ് സംശയിക്കുന്നത്. കൊല നടന്നതിന്റെ പിറ്റേ ദിവസം സെയ്ത് അലി ഒളിവില് പോയി. ഇയാളുടെ വിതുരയിലെ ഭാര്യവീട്ടില് ക്യൂ ബ്രാഞ്ച് റെയ്ഡ് നടത്തിയിരുന്നു. പ്രതികളുടെ കൈവശമുണ്ടായിരുന്ന ബാഗ് മറ്റൊരാള്ക്ക് കൈമാറിയതിലും ദുരൂഹതയുണ്ട്.