ലഖ്നൗ: ഉത്തര്പ്രദേശിലെ ഉന്നാവില് ഒമ്പതുവയസ്സുകാരിയെ ബലാത്സംഗം ചെയ്ത് കഴുത്തുഞെരിച്ചു കൊന്നു. ഹോളി ആഘോഷങ്ങള്ക്കിടെയാണ് പെണ്കുട്ടിയെ തട്ടിക്കൊണ്ടുപോയി ബലാത്സംഗത്തിനിരയാക്കിയത്. ചൊവ്വാഴ്ചയായിരുന്നു സംഭവം.
ഹോളി ആഘോഷത്തിന്റെ ഭാഗമായുള്ള ഗാനമേള നടക്കുന്നതിനിടെയാണ് പെണ്കുട്ടിയെ കാണാതായത്. തുടര്ന്ന് ബന്ധുക്കളും നാട്ടുകാരും നടത്തിയ അന്വേഷണത്തിലാണ് സമീപത്തെ വിജനമായ വയലില് കുട്ടിയെ അവശനിലയില് കണ്ടെത്തിയത്. ഉടന്തന്നെ കുട്ടിയെ സമീപത്തെ സാമൂഹികാരോഗ്യ കേന്ദ്രത്തിലും പിന്നീട് ലാലാ ലാജ്പത് റായ് ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ചൊവ്വാഴ്ച രാത്രിയോടെ മരിച്ചു.
പെണ്കുട്ടിയെ ഉപേക്ഷിച്ചനിലയില് കണ്ടെത്തിയ വയലില്നിന്ന് മദ്യക്കുപ്പികള് കണ്ടെടുത്തായി നാട്ടുകാര് മാധ്യമങ്ങളോട് പറഞ്ഞു.
2020-03-11