ലക്നൗ: നിസാമുദ്ദീനില് നടന്ന തബ്ലീഗ് ജമാഅത്ത് സമ്മേളനമാണ് ഇന്ത്യയില് കൊവിഡ് 19 പടരാന് കാരണമായതെന്ന് ആരോപിച്ചയാളെ വെടിവെച്ച് കൊന്നു. ഉത്തര്പ്രദേശിലെ പ്രയാഗ് രാജിലാണ് സംഭവം. വീടിന് സമീപമുള്ള ചായക്കടയിൽ ആണ് സംഭവം . വിവിധ സംസ്ഥാനങ്ങളില് നൂറുകണക്കിന് ആളുകളിലേക്ക് കൊവിഡ് 19 പടര്ന്നതിന് കാരണം നിസാമുദ്ദീന് തസമ്മേളനമാണെന്നാണ് ഇയാള് ചായക്കടയില് വച്ച് ആരോപിക്കുകയായിരുന്നുവെന്ന് ഇന്ത്യ ടുഡേ റിപ്പോര്ട്ട് ചെയ്യുന്നു. തുടർന്നു വഴക്ക് ഉണ്ടാവുകയും ഇതോടെ അവിടെയുണ്ടായിരുന്ന മറ്റൊരാള് എതിര്പ്പുമായി എത്തി. ഇരുവരും പരസ്പരം വാക്കുത്തര്ക്കത്തിലായി. തുടര്ന്ന് നടന്ന വെടിവെയ്പ്പിലാണ് നിസാമുദ്ദീന് മതസമ്മേളനത്തെ കുറ്റപ്പെടുത്തിയ ആള് മരിച്ചത്. നാട്ടുകാര് ചേര്ന്ന് കൊലപാതകം നടത്തിയ ആളെ പൊലീസില് ഏല്പ്പിച്ചു. എല്ലാവരും സംയമനം പാലിക്കണമെന്നും ഈ സംഭവത്തിന്റെ പേരില് പ്രശ്നങ്ങള് ഉണ്ടാക്കരുതെന്നും പ്രയാഗ് രാജ് എസ് എസ് പി അറിയിച്ചു.
2020-04-06