മലപ്പുറം : മത്സ്യസമ്പത്ത് സംരക്ഷിക്കുന്നതിനും നിയമ ലംഘനങ്ങള് തടയുന്നതിനുമായി ഫിഷറീസ് വകുപ്പിന്റെ പ്രത്യേക സ്ക്വാഡ് ജലാശയങ്ങളില് പട്രോളിങ് ശക്തമാക്കി. നിയമം ലംഘിക്കുന്നവര്ക്കെതിരെ കടുത്ത നടപടികള് സ്വീകരിക്കുമെന്നും ഫിഷറീസ് വകുപ്പ് അറിയിച്ചു.
തുരുമ്പ് നിക്ഷേപിച്ച് മീന്പിടിക്കുക, അനധികൃത കുറ്റിവലകള്, കൃത്രിമപാരുകള്, കുരുത്തി വലകള് ഉപയോഗിച്ചുള്ള മത്സ്യ ബന്ധനം, മത്സ്യക്കുഞ്ഞുങ്ങളെ വന്തോതില് പിടിച്ചെടുക്കല് എന്നിവ യാതൊരു കാരണവശാലും അനുവദിക്കില്ല. ഇത്തരം നിയമ ലംഘനങ്ങള് നടത്തിയാല് 15,000 രൂപ പിഴയും ആറ് മാസം തടവ് ശിക്ഷയും ലഭിക്കും.പുഴ, കായല് മത്സ്യങ്ങളുടെ പ്രജനന സമയമായതിനാല് ചെറുവലകളും കൂടുകളും ഉപയോഗിച്ച് മീന് പിടിക്കുന്നതിന് വിലക്ക് ഏര്പ്പെടുത്തിയിട്ടുണ്ട്. പൂര്ണ വളര്ച്ചയെത്താതെ മത്സ്യം പിടിക്കുന്നതു വില്പന നടത്തുന്നതും ശ്രദ്ധയില്പ്പെട്ടാല് ഉടന് നടപടി സ്വീകരിക്കുമെന്നും ഫിഷറീസ് വകുപ്പ് അറിയിച്ചു.