സംസ്ഥാനത്ത് ഡാമുകള് തുറക്കുന്ന സാഹചര്യത്തില് മുന്കരുതലിന്റെ ഭാഗമായി എല്ലാ സംവിധാനങ്ങളും തയ്യാറെന്ന് റവന്യുമന്ത്രി കെ രാജന്. ആറ് ജില്ലകളില് സന്ദര്ശനം നടത്തി രക്ഷാപ്രവര്ത്തനങ്ങള് ഏകോപിപ്പിച്ചുണ്ട്. പല ആളുകളും മാറിത്താമസിക്കാന് തയാറാകുന്നില്ല. പ്രത്യേക സാഹചര്യം നിലനില്ക്കുന്നതിനാല് ജനങ്ങളുടെ ഈ മനോഭാവം മാറണമെന്നും റവന്യുമന്ത്രി പറഞ്ഞു. ഏതെങ്കിലും തരത്തിലുള്ള പ്രശ്നങ്ങളുണ്ടായാല് റവന്യുമന്ത്രിയെ തന്നെ നേരിട്ടറിയിക്കാന് നാല് നമ്പരുകളും നല്കി കണ്ട്രോള് റൂം തുറന്നിട്ടുണ്ട്. മഴ ഇന്ന് അധികമുണ്ടാകില്ലെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്. എന്നാല് 20 മുതല് 24 വരെ മഴ പെയ്യാന് സാധ്യതയുള്ളതിനാല് അക്കാര്യത്തിലും മുന്കരുതല് സ്വീകരിച്ചിട്ടുണ്ട്.
2021-10-19