ഷഹീൻ അഫ്രിഡിയെ ഹാട്രിക് സിക്സടിച്ച് മാത്യു വെയ്ഡ് പാകിസ്താന്റെ ചിറകരിഞ്ഞു. ലോകകപ്പ് ടി20 സെമിഫൈനലിൽ തകർപ്പൻ ജയത്തോടെ ഓസ്ട്രേലിയ ഫൈനലിൽ. തോൽവിയറിയാതെ മുന്നേറിയ പാകിസ്താനെ അഞ്ച് വിക്കറ്റിനാണ് ഓസ്ട്രേലിയ തകർത്തത്. ആറാം വിക്കറ്റിൽ മാത്യു വെയ്ഡും മാർകസ് സ്റ്റോയിനിസും നടത്തിയ പോരാട്ടത്തിലാണ് പാകിസ്താൻ തകർന്നടിഞ്ഞത്. നേരത്തെ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ പാക് നിര നിശ്ചിത 20 ഓവറില് നാലു വിക്കറ്റ് നഷ്ടത്തില് 176 റണ്സെടുത്തിരുന്നു. മുഹമ്മദ് റിസ്വാന്, ഫഖര് സമാന്, ക്യാപ്റ്റന് ബാബര് അസം എന്നിവരുടെ ഇന്നിങ്സുകളാണ് പാകിസ്താനെ മികച്ച സ്കോറിലെത്തിച്ചത്. പാകിസ്താന് ഉയര്ത്തിയ 177 റണ്സ് വിജയലക്ഷ്യം ആറു പന്തുകള് ശേഷിക്കേ ഓസ്ട്രേലിയ മറികടന്നു. നവംബര് 14-ന് നടക്കുന്ന ഫൈനലില് ഓസീസ്, ന്യൂസീലന്ഡിനെ നേരിടും
2021-11-11