പൈനാവ്: ഇടുക്കി പൈനാവ് എന്ജിനീയറിങ് കോളേജില് എസ്.എഫ്.ഐ. പ്രവര്ത്തകൻ കുത്തേറ്റു മരിച്ചു. കണ്ണൂര് സ്വദേശി ധീരജ് ആണ് കൊല്ലപ്പെട്ടത്. മറ്റൊരു പ്രവര്ത്തകനു കൂടി കുത്തേറ്റിട്ടുണ്ട്. കോളേജ് തിരഞ്ഞെടുപ്പിനിടെ വിദ്യാര്ഥികള് തമ്മില് സംഘര്ഷമുണ്ടായതോടെ ആയിരുന്നു ആക്രമണം.
കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ഗ്രൂപ്പിൽ അംഗമാകുക
കുത്തേറ്റ രണ്ടുപേരെയും ഇടുക്കി മെഡിക്കല് കോളേജില് എത്തിച്ചെങ്കിലും ധീരജിനെ രക്ഷിക്കാനായില്ല. യൂത്ത് കോണ്ഗ്രസ് പ്രവര്ത്തകനാണ് കുത്തിയതെന്നാണ് പ്രാഥമിക വിവരം. ആക്രമിച്ച ശേഷം ഇയാള് ഓടി രക്ഷപ്പെട്ടു. ഇയാളെ പിടികൂടാനുള്ള ശ്രമം പോലീസ് ആരംഭിച്ചു. കോളേജിലെ തിരഞ്ഞെടുപ്പുമായി ബന്ധപ്പെട്ടാണ് സംഘര്ഷമുണ്ടായത്. യൂത്ത് കോണ്ഗ്രസ്, കെ.എസ്.യു-എസ്.എഫ്.ഐ. പ്രവര്ത്തകര് തമ്മിലായിരുന്നു സംഘര്ഷം. ഇതിനിടെയാണ് രണ്ടുപേര്ക്ക് കുത്തേറ്റത്.
മറ്റൊരു വിദ്യാര്ഥിക്കും സംഘര്ഷത്തില് പരിക്കേറ്റിട്ടുണ്ട്. ഈ വിദ്യാര്ഥിയും ചികിത്സ തേടിയിട്ടുണ്ട്. വിദ്യാര്ഥി സംഘര്ഷത്തിലേക്ക് നയിക്കാനുള്ള കാരണം എന്താണെന്ന് വ്യക്തമല്ല.