യുക്രൈയിനെതിരെ റഷ്യ സൈനിക നടപടി പ്രഖ്യാപിച്ചതോടെ ആഗോള വിപണിയില് അസംസ്കൃത എണ്ണവില ബാരലിന് 100 ഡോളര് കടന്നു. ഏഴുവര്ഷത്തിനിടെ ഇതാദ്യമായാണ് അസംസ്കൃത എണ്ണവില 100 ഡോളര് പിന്നിടുന്നത്.
കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ഗ്രൂപ്പിൽ അംഗമാകുക
ആഗോളതലത്തിലെ രാഷ്ട്രീയ അനിശ്ചിതത്വം സുരക്ഷിത നിക്ഷേപമെന്നുകരുതുന്ന സ്വര്ണവിലയെയും സ്വാധീനിച്ചു. രാവിലെ 9.20ലെ കണക്കുപ്രകാരം ആഗോള വിപണിയില് ഗോള്ഡ് ഫ്യൂച്ചേഴ്സ് 1.1ശതമാനം ഉയര്ന്ന് ഔണ്സിന് 1,932 ഡോളര് നിലവാരത്തിലെത്തി. സംസ്ഥാനത്ത് സ്വര്ണവില പവന് 680 രൂപ കൂടി 37,480 രൂപയിലെത്തി. ഗ്രാമിന് 4685 രൂപയുമായി. ഒരുവര്ഷത്തെ ഉയര്ന്ന നിലവാരത്തിലാണ് സ്വര്ണവില.