ബന്ധുവായ സ്ത്രീയെ കൊന്നു, ശരീരം കഷണങ്ങളാക്കി റോഡരികില്‍ ഉപേക്ഷിച്ചു; 32-കാരന്‍ പിടിയില്‍

ജയ്പൂരിലെ വിദ്യാധര്‍ നഗറിലാണ് അനൂജ് താമസിച്ചിരുന്നത്. അച്ഛന്‍, സഹോദരി, കൊല്ലപ്പെട്ട ബന്ധു സരോജ് എന്നിവരോടൊപ്പമാണ് അനൂജ് താമസിച്ചിരുന്നത്. ഭര്‍ത്താവിന്റെ മരണത്തിന് ശേഷം സരോജ് ഇവരുടെ കൂടെയായിരുന്നു താമസം. കഴിഞ്ഞ വര്‍ഷത്തെ കോവിഡ് തരംഗത്തില്‍ അനൂജിന്റെ അമ്മയും മരണപ്പെട്ടിരുന്നു.

ബിടെക് ബിരുദധാരിയാണ് അനൂജ്. ഇയാള്‍ക്ക് കൊലപാതകം നടത്തിയതില്‍ യാതൊരു കുറ്റബോധവുമില്ലെന്നും മനോരോഗ ലക്ഷണങ്ങള്‍ പ്രകടിപ്പിക്കുന്നയാളാണെന്നും ജയ്പൂര്‍ കമ്മീഷണര്‍ ആനന്ദ് ശ്രീവാസ്തവ് പറഞ്ഞു. കൃത്യം നടക്കുന്ന സമയത്തെ സിസിടിവി ദൃശ്യങ്ങള്‍ പരിശോധിക്കുമ്പോള്‍ കൊല്ലപ്പെട്ട സരോജ് ഒരിക്കല്‍ പോലും വീടിനു പുറത്തേക്കുപോകുന്നതായി കാണുന്നില്ല. എന്നാല്‍ പെട്ടിയും ബക്കറ്റുകളുമായി അനൂജ് പുറത്തേയ്ക്കു പോകുന്നുമുണ്ട്. കൂടാതെ, അടുക്കളയില്‍ നിന്ന രക്തക്കറയും കണ്ടെടുത്തതായി കമ്മീഷണര്‍ അറിയിച്ചു.