തൃശ്ശൂര്: സ്ത്രീകള്ക്ക് എന്തുസംഭവിച്ചാലും ചോദിക്കാനും ചോദ്യം ചെയ്യാനും മറ്റും നിരവധി സംഘടനകളുണ്ട്. എന്നാല്, പുരുഷന്മാരുടെ കാര്യം അങ്ങിനെയാണോ എന്ന് ഓര്ത്ത് വിലപിക്കുന്നവര്ക്ക് ആശ്വാസമായി ഒരു സംഘടന. പീഡനമനുഭവിക്കുന്ന പുരുഷന്മാര്ക്ക് സൗജന്യമായി നിയമസഹായം നല്കുന്നതിനായി ഒരു ആഗോള ഹെല്പ്പലൈന് എത്തുന്നു.
മലയാളമടക്കം രാജ്യത്തെ ഒന്പത് ഭാഷകളിലായി തങ്ങളുടെ പ്രശ്നങ്ങള് പങ്കുവയക്കാന് സാധിക്കും. ഹെല്പ്പ്ലൈനിലൂടെ നിയമോപദേശവും സാന്ത്വനവും ലഭിക്കും. ഇരയായ പുരുഷന്മാരുടെ കൂട്ടായ്മ്മയായ സേവ് ഇന്ത്യന് ഫാമിലിയാണ് ഇതിന് പിന്നില് പ്രവര്ത്തിക്കുന്നത്. കേരളത്തില് ഇതിന്റെ സഹായത്തിനായി പ്രവര്ത്തിക്കുന്നത് പുരുഷാവകാശ സംരക്ഷണ സമിതി എന്ന സംഘടനയാണ്.
എല്ലാ ദിവസവും 24 മണിക്കൂറും ഈ ഹെല്പ്പ്ലൈന്റെ സേവനം ലഭിക്കും. ഹെല്പ്ലൈന് നമ്ബരില് വിളിച്ച് 9 എന്ന ബട്ടണില് അമര്ത്തിയാല് മലയാളത്തില് മറുപടി ലഭിക്കും. ഏഴുപേരാണ് ഇതിനായി സംസ്ഥാനത്തുള്ളത്. ഇതിലൂടെ നല്കുന്ന പരാതിയും പ്രശ്നങ്ങളും വോയ്സ് മെയില്വഴി റെക്കോഡാകുന്ന സംവിധാവനവും ഏര്പ്പെടുത്തിയിട്ടുണ്.
പുരുഷന്മാര്ക്ക് അര്ഹമായ നിയമപരിരക്ഷയും സാന്ത്വനവും നല്കുകയാണ് ഹെല്പ്പ്ലൈനിന്റെ ലക്ഷ്യം. എന്നാല് പരാതികളില് പുരുഷന്റെ ഭാഗത്ത് ന്യായമുണ്ടെന്ന് കണ്ടാല് മാത്രമാണ് സഹായം അനുവദിക്കുക.
ഇത്തരത്തില് ഇതിനോടകം ഒന്നരലക്ഷത്തോളം ആളുകളുടെ ഫോണ് കോളുകള് ലഭിച്ചതായി അധികൃതര് അറിയിച്ചു. ഇതിന്റെ പ്രവര്ത്തനത്തിനായി രാജ്യവ്യാപകമായി 50ലേറെ പുരുഷസന്നദ്ധ സംഘടനകളുണ്ട്. ഹെല്പ്ലൈന്റെ നമ്ബര്; 88 82 49 84 98