പ്ലസ്ടു കോഴക്കേസില് മുസ്ലിം ലീഗ് നേതാവ് കെ.എം. ഷാജിക്കെതിരേ വിജിലന്സ് രജിസ്റ്റര് ചെയ്ത എഫ്.ഐ.ആര്. റദ്ദാക്കിയ ഉത്തരവിനെതിരെ സംസ്ഥാനം സുപ്രീം കോടതിയെ സമീപിച്ചു. ഷാജിക്കെതിരേ അന്വേഷണം നടത്താന് അനുവദിക്കണമെന്നാണ് കേരളത്തിന്റെ ആവശ്യം.
2014-ല് അഴീക്കോട് സ്കൂളിലെ പ്ലസ്ടു ബാച്ച് അനുവദിക്കാന് കെ.എം. ഷാജി 25 ലക്ഷം രൂപ കോഴ വാങ്ങിയെന്ന പരാതിയിലാണ് വിജിലന്സ് കേസ് രജിസ്റ്റര് ചെയ്തിരുന്നത്. 2020 ലാണ് കേസ് രജിസ്റ്റര് ചെയ്തത്. ഈ എഫ്.ഐ.ആറാണ് കേരള ഹൈക്കോടതി റദ്ദാക്കിയത്.
https://youtu.be/YH4BV9xg1Bw
എന്നാല് പരാതിയുടെ അടിസ്ഥാനത്തിലാണ് ഷാജിക്കെതിരെ എഫ്.ഐ.ആര്. ഇട്ട് അന്വേഷണം നടത്തിയതെന്ന് സംസ്ഥാന സര്ക്കാര് സുപ്രീം കോടതിയില് ഫയല് ചെയ്ത ഹര്ജിയില് ചൂണ്ടിക്കാട്ടിയിട്ടുണ്ട്. കോഴ നല്കിയിട്ടുണ്ടെന്ന് സ്കൂള് മാനേജര്, മജിസ്ട്രേറ്റിന് മുമ്പാകെ നല്കിയ രഹസ്യ മൊഴിയില് സമ്മതിച്ചിട്ടുണ്ടെന്നും ഹര്ജിയില് ചൂണ്ടിക്കാട്ടിയിട്ടുണ്ട്. സ്റ്റാന്റിംഗ് കോണ്സല് ഹര്ഷദ് വി. ഹമീദാണ് സര്ക്കാരിന്റെ ഹര്ജി ഫയല് ചെയ്തത്.