ഇസ്ലാമാബാദ്: പാകിസ്ഥാന് മുന് പ്രധാനമന്ത്രി ഇമ്രാന് ഖാന് അഴിമതിക്കേസില് മൂന്നു വര്ഷം തടവു ശിക്ഷ. പ്രധാനമന്ത്രിയായിരുന്ന കാലത്ത് രാജ്യത്തിനു ലഭിച്ച പാരിതോഷികങ്ങള് വിറ്റെന്ന കേസിലാണ് (തോഷഖാന കേസ്) കോടതി വിധി. ഇതോടെ ഇമ്രാന് തെരഞ്ഞെടുപ്പില് മത്സരിക്കുന്നതിന് അഞ്ചു വര്ഷത്തേക്കു വിലക്കു വരും.
തടവു ശിക്ഷയ്ക്കു പുറമേ ഇമ്രാന് ഒരു ലക്ഷം രൂപ പിഴ ഒടുക്കണമെന്നും അഡീഷനല് ജഡ്ജി ഹൂമയൂണ് ദിലാവാര് വിധിച്ചു. പിഴ ഒടുക്കിയില്ലെങ്കില് ആറു മാസം കൂടി ജയില് ശിക്ഷ അനുഭവിക്കണം. പാകിസ്ഥാന് ഇലക്ഷന് കമ്മിഷന് നല്കിയ ഹര്ജിയിലാണ് കോടതി വിധി. നേരത്തെ ഇതേ വിഷയം ചൂണ്ടിക്കാട്ടി ഇലക്ഷന് കമ്മിഷന് ഇമ്രാന് അയോഗ്യത ഏര്പ്പെടുത്തിയിരുന്നു. സത്യവാങ്മൂലത്തില് തെറ്റായ വിവരങ്ങള് നല്കിയെന്നായിരുന്നു തെരഞ്ഞെടുപ്പു കമ്മിഷന്റെ കണ്ടെത്തല്.
ഭരണാധികാരികള്ക്കും സര്ക്കാര് ഉദ്യോഗസ്ഥര്ക്കും ലഭിക്കുന്ന പാരിതോഷികങ്ങള് കൈകാര്യം ചെയ്യുന്നതിനുള്ള വകുപ്പാണ് തോഷഖാന.