തിരുവനന്തപുരം: ടിപി ചന്ദ്രശേഖരന് വധക്കേസ് പ്രതികളെ ശിക്ഷ ഇളവിനുള്ള തടവുകാരുടെ പട്ടികയില്പ്പെടുത്തിയ ജയില് ഉദ്യോഗസ്ഥര്ക്ക് സസ്പെന്ഷന്. മുഖ്യമന്ത്രി പിണറായി വിജയനാണ് സസ്പെന്ഷന് ഉത്തരവിട്ടത്. മൂന്ന് ഉദ്യോഗസ്ഥര്ക്കെതിരെ അന്വേഷണ വിധേയമായിട്ടാണ് നടപടി.
കണ്ണൂര് സെന്ട്രല് ജയില് സൂപ്രണ്ടിന്റെ ചുമതലയുള്ള ജോയിന്റ് സൂപ്രണ്ട് കെ എസ് ശ്രീജിത്ത്, അസിസ്റ്റന്റ് സൂപ്രണ്ട് ബി ജി അരുണ്, അസിസ്റ്റന്റ് പ്രിസണ് ഓഫീസര് ഒ വി രഘുനാഥ് എന്നിവരെയാണ് സസ്പെന്ഡ് ചെയ്തത്. ടിപി കേസ് പ്രതികള്ക്ക് ശിക്ഷാ ഇളവിന് നീക്കം നടത്തുന്ന വാര്ത്ത പുറത്തു വന്നതോടെ വിവാദമായത്.