ന്യൂഡല്ഹി: ശബരിമലയില് സ്ത്രീകളുടെ പ്രവേശനത്തിന് വിലക്ക് തുടരണമെന്നും തലമുറകളായി തുടരുന്ന ക്ഷേത്ര ആചാരങ്ങളില് കോടതി ഇടപെടരുതെന്നും പന്തളം രാജകുടുംബം. ക്ഷേത്രത്തിന്റെ യശസ് തകര്ക്കാനുള്ള ശ്രമമാണ് സ്ത്രീകളെ പ്രവേശിപ്പിക്കണമെന്ന ഹര്ജിക്കു പിന്നിലെന്നും രാജകുടുംബത്തിനു വേണ്ടി ഹാജരായ മുതിര്ന്ന അഭിഭാഷകന് കെ. രാധാകൃഷ്ണന് അറിയിച്ചു.
കേസിലെ ഹര്ജിക്കാരന് വിശ്വാസിയല്ലെന്നും പ്രശസ്തിക്കുവേണ്ടിയുള്ള ഹര്ജി മാത്രമാണിതെന്നും കെ. രാധാകൃഷ്ണന് വാദിച്ചു. ആര്ത്തവ കാലത്ത് സ്ത്രീകള് പൊതുവെ ക്ഷേത്രത്തില് പോകാറില്ലെന്നും 41 ദിവസത്തെ വ്രതശുദ്ധി കാത്തുസൂക്ഷിക്കാന് ഇവര്ക്ക് സാധിക്കുകയുമില്ല. ഇത് വ്യക്തമാക്കുന്ന മെഡിക്കല് റിപ്പോര്ട്ട് പരിശോധിക്കാന് കോടതി തയാറാകണമെന്നും രാധാകൃഷ്ണന് വ്യക്തമാക്കി. എന്നാല് വിഷയത്തില് ഭരണഘടനാപരമായ വിഷയങ്ങളല്ലാതെ മറ്റൊന്നും പരിഗണിക്കില്ലെന്ന് ചീഫ് ജസ്റ്റീസ് അധ്യക്ഷനായ ബെഞ്ച് പ്രതികരിച്ചു.