തിയേറ്ററുകളില് യുവാക്കളെയും കുടുംബപ്രേക്ഷകരെയും ഒരുപോലെ ആകര്ഷിച്ച ചിത്രം ബ്രൊമാന്സ് ഒടിടിയിലേക്ക്. അര്ജുന് അശോകന്, മാത്യു തോമസ്, മഹിമ നമ്പ്യാര് എന്നിവരെ കേന്ദ്ര കഥാപാത്രങ്ങളാക്കി അരുണ് ഡി ജോസ് സംവിധാനം ചെയ്ത ചിത്രം മെയ് 1 മുതല് സോണി ലിവിലൂടെ കാണാം.
തമിഴ്, തെലുഗു, കന്നഡ ഭാഷകളില് ചിത്രമെത്തും. ചിരിയും പ്രണയവും സസ്പെന്സും, സൗഹൃദവും, ആക്ഷന് സീക്വന്സുകളും ചേര്ന്ന ചിത്രം പ്രണയദിനമായ ഫെബ്രുവരി 14നാണ് തിയേറ്ററുകളിലെത്തിയത്. 8 കോടി ബഡ്ജറ്റിലായിരുന്നു സിനിമ ഒരുക്കിയത്. എന്നാല് മൂന്നാഴ്ച കൊണ്ട് ചിത്രം ആഗോള ബോക്സ് ഓഫീസില് ഇരട്ടിയിലേറെ കളക്ഷന് നേടിയിരുന്നു.
ഗോവിന്ദ് വസന്തയാണ് ബ്രൊമാന്സിന്റെ സംഗീതം നിര്വഹിച്ചിരിക്കുന്നത്. സുഹൈല് കോയയുടേതാണ് വരികള്. ജോ ആന്ഡ് ജോ, 18 എന്നീ സിനിമകള്ക്ക് ശേഷം അരുണ് ഡി ജോസ് സംവിധാനം ചെയ്ത ചിത്രമാണിത്. കലാഭവന് ഷാജോണ്, ശ്യാം മോഹന് തുടങ്ങിയവരും അഭിനയിക്കുന്നു. ആഷിഖ് ഉസ്മാനാണ് നിര്മ്മാണം. അരുണ് ഡി ജോസ്, തോമസ് പി സെബാസ്റ്റ്യന്, രവീഷ്നാഥ് എന്നിവര് ചേര്ന്നാണ് രചന. അഖില് ജോര്ജ് ആണ് ഛായാഗ്രഹണം.