കോട്ടയം: നീര്നായയുടെ കടിയേറ്റ് ചികിത്സ തേടിയ ശേഷം വീട്ടിലേക്ക് മടങ്ങിയ വീട്ടിൽ ദേഹാസ്വാസ്ഥ്യത്തെത്തുടര്ന്ന് കുഴഞ്ഞുവീണു മരിച്ചു. വേളൂര് പാണംപടി കലയംകേരില് ഇബ്രാഹിംകുട്ടിയുടെ ഭാര്യ നിസാനി (53) ആണു മരിച്ചത്. പോസ്റ്റുമോർട്ടം റിപ്പോർട്ട് ലഭിച്ചാലേ മരണകാരണം വ്യക്തമാകൂവെന്ന് ഡോക്ടർമാർ അറിയിച്ചു.
ഞായറാഴ്ച രാവിലെ 10.30ന് പാണംപടി പള്ളിക്കു സമീപം മീനച്ചിലാറ്റില് തുണി കഴുകുന്നതിനിടെയാണ് നീര്നായ കടിച്ചത്. തുടർന്ന് ജനറല് ആശുപത്രിയിലെത്തി പ്രാഥമിക ചികിത്സ തേടി. വൈകീട്ട് കുഴഞ്ഞുവീണ നിസാനിയെ ബന്ധുക്കള് മെഡിക്കല് കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഹൃദയാഘാതമാകാം മരണകാരണമെന്നാണ് പ്രാഥമിക നിഗമനം. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ കൂടുതല് വ്യക്തത ലഭിക്കുകയുളളൂവെന്നു വനംവകുപ്പ് ഉദ്യോഗസ്ഥര് പറഞ്ഞു.