കൊച്ചി: കനത്ത മഴയില് വിമാനത്താവളത്തില് വെള്ളം കയറിയതിനെത്തുുടര്ന്ന് നെടുമ്പാശ്ശേരി വിമാനത്താവളത്തില് രണ്ട് മണിവരെയുള്ള വിമാന സര്വീസ് നിര്ത്തിവച്ചു. നെടുമ്പാശ്ശേരിയിലേക്കുള്ള വിമാനങ്ങള് വഴിതിരിച്ച് വിട്ടു.
പുലര്ച്ചെ നാല് മുതല് ഏഴുവരെ ആമന സര്വീസുകള് നിര്ത്തിവയ്ക്കാനായിരുന്നു ആദ്യത്തെ തീരുമാനം. എന്നാല് പിന്നീട് സ്ഥിതിഗതികള് വിലയിരുത്തിയ ശേഷമാണ് സര്വീസ് രണ്ടു മണി വരെ പൂര്ണമായും നിര്ത്തിവയ്ക്കാന് തീരുമാനിച്ചത്.
പ്രവര്ത്തനം താത്ക്കാലികമായി നിര്ത്തിവെച്ചതിനാല് എയര് ഇന്ത്യാ എക്സ്പ്രസിന്റെ എല്ലാ സര്വീസുകളും തിരുവനന്തപുരത്ത് നിന്ന് നടത്തുമെന്ന് അധികൃതര് അറിയിച്ചു.
മുല്ലപ്പെരിയാര് അണക്കെട്ട് തുറന്ന സാഹചര്യത്തില് പെരിയാറില് ക്രമാതീതമായി വെള്ളം ഉയരാന് സാധ്യതയുള്ളതും വിമാനത്താവളത്തിലും പരിസരത്തും വെള്ളം കയറിത്തുടങ്ങിയതും പരിഗണിച്ചാണ് സര്വീസ് നിര്ത്തിവച്ചത്.