ന്യൂഡല്ഹി : അര്ധരാത്രിയില് ജനാധിപത്യത്തിലേക്ക് ഉണര്ന്നെണീറ്റതിന്റെ ഓര്മ്മ പുതുക്കി രാജ്യമെങ്ങും ഇന്ന് എഴുപത്തിരണ്ടാം സ്വാതന്ത്ര്യദിനം ആഘോഷിക്കുന്നു. പ്രധാനമന്ത്രി നരേന്ദ്ര മോദി ചെങ്കോട്ടയില് ദേശീയ പതാക ഉയര്ത്തി.
രാജ്യം പുതിയ ഉയരങ്ങള് കീഴടക്കുകയാണ്, രാജ്യത്തെ പെണ്കുട്ടികള് അഭിമാനകരമായ നേട്ടങ്ങള് ഉണ്ടാക്കിയെന്നും രാജ്യത്തെ അഭിസംബോധന ചെയ്ത് മോദി സംസാരിച്ചു. നിരവധി പ്രമുഖര് ചടങ്ങില് പങ്കെടുക്കാനെത്തി.
നാവികസേനയിലെ ആറ് വനിതാ ഉദ്യോഗസ്ഥര് അടുത്തിടെ ലോകം ചുറ്റി വന്ന അഭിമാനത്തിലാണ് നാം സ്വാതന്ത്ര്യദിനം ആഘോഷിക്കുന്നതെന്ന് പ്രധാനമന്ത്രി പറഞ്ഞു. ബി.ആര്. അംബേദ്കര് നമുക്ക് നല്കിയ ഭരണഘടനയില് എല്ലാവര്ക്കും തുല്യനീതി ഉറപ്പുവരുത്തുന്നു. ഇക്കാര്യം നമ്മള് ഉറപ്പുവരുത്തണം. എങ്കിലേ ഇന്ത്യയ്ക്കു വലിയ രീതിയില് വികസിക്കാനാകൂയെന്നും മോദി അറിയിച്ചു.
രാജ്യത്തിന്റെ വിവിധ ഭാഗങ്ങള് പ്രളയക്കെടുതിയില് വലയുകയാണ്. മറ്റു ഭാഗങ്ങളില് മികച്ച കാലവര്ഷം ലഭിച്ചു. പ്രളയക്കെടുതിയില് എല്ലാം നഷ്ടപ്പെട്ട കുടുംബങ്ങള്ക്കൊപ്പമാണ് തന്റെ ചിന്തകളെന്നും പ്രധാനമന്ത്രി പറഞ്ഞു.