ഇന്ത്യന് നഗരങ്ങളിലെ യുവജനങ്ങള് ഇന്ന് പ്രമേഹരോഗം പിടിപെടുന്നത് പുതിയ വെല്ലുവിളിയായി മാറിയിരിക്കുന്നു. പലര്ക്കും “മധ്യവയസില് മാത്രം പ്രമേഹം ബാധിക്കുന്നു” എന്ന തെറ്റിദ്ധാരണയുണ്ടെങ്കിലും, 20–30 വയസ്സുള്ള യുവതലമുറയും രക്തത്തിലെ പഞ്ചസാര ഉയര്ന്ന നിലയിലേക്ക് എത്തുന്നതായി ക്ലിനിക്കല് റിപ്പോര്ട്ടുകള് കാണിക്കുന്നു.
ജീവിതശൈലി കാരണങ്ങളാല് പ്രമേഹം ചെറുപ്പത്തില് തന്നെ ബാധിക്കുകയാണെന്ന് വിദഗ്ധര് മുന്നറിയിപ്പ് നല്കുന്നു. ജീവിതത്തിലെ നീണ്ട സമയത്തുള്ള ഇരിപ്പ്, പ്രോസസ്സ്ഡ് ഭക്ഷണങ്ങളുടെ അമിത ഉപഭോഗം, ഷീറ്റ് പാനീയങ്ങള്, രാത്രി വൈകി ഭക്ഷണം, അമിത സമ്മര്ദം, തെറ്റായ ഉറക്ക ശീലം എന്നിവയെല്ലാം പ്രധാന കാരണങ്ങളാണ്.
ടൈപ്പ് 2 പ്രമേഹം ശരീരത്തിലെ മസില്, കൊഴുപ്പ്, കരള് കോശങ്ങള് ഇന്സുലിന് ശരിയായി ഉപയോഗിക്കാതിരിക്കുക മൂലമുണ്ടാകുന്നു. ഇതു രക്തത്തിലെ പഞ്ചസാര ഉയരാന് ഇടയാക്കുകയും, ഹൃദ്രോഗം, വൃക്കാ തകരാര്, നാഡീ പ്രശ്നങ്ങള്, കാഴ്ച സംബന്ധമായ ബുദ്ധിമുട്ട് തുടങ്ങിയ അസുഖങ്ങള് പ്രായമാകുന്നതിന് മുമ്പേ ഉണ്ടാക്കുന്നു.
18–40 വയസ്സിലുള്ളവരില് പതിനെട്ട് ശതമാനം പേര്ക്ക് പ്രമേഹം ബാധിക്കുന്നു. പ്രത്യേകിച്ച് ദക്ഷിണ, പടിഞ്ഞാറന്, സെന്ട്രല് മേഖലകളില് ഈ പ്രായത്തിലുള്ള 43 ശതമാനത്തോളം ആളുകള്ക്കാണ് പ്രമേഹബാധ. കോവിഡിനു ശേഷം ഈ രോഗികളുടെ എണ്ണം കൂടുതല് ശ്രദ്ധേയമായി കാണപ്പെടുന്നു, എന്നാല് നഗരജീവിതത്തിന്റെ രീതികളാണ് പ്രധാന കാരണമെന്നാണ് റിപ്പോർട്ടുകൾ പറയുന്നത്
പ്രമേഹം ചെറുപ്പത്തില് പിടിപെടുന്നതില് ജനതകവും ഭാഗികമായി ബാധിക്കുന്നു. മെലിഞ്ഞവരും പ്രമേഹത്തിന് പ്രീ-ഡയബറ്റിക് ആയിരിക്കാം, കാരണം ബെല്ലി ഫാറ്റ്, ഉറക്കക്കുറവ്, സമ്മര്ദം എന്നിവ ലക്ഷണങ്ങള് മുമ്പേ തെളിയിക്കുന്ന ഘടകങ്ങളാണ്.
പ്രതിരോധ മാർഗങ്ങൾ:
1. HbA1c പരിശോധന വര്ഷത്തില് ഒരു തവണ നടത്തുക
2. പ്രോസസ്സ്ഡ് കാര്ബുകള് ഒഴിവാക്കി ധാന്യങ്ങള്, പച്ചക്കറികള്, പ്രോട്ടീന് കഴിക്കുക
3. ദിവസം 30–45 മിനിറ്റ് ശരീരപരിശ്രമം നടത്തുക
4. ശീതളപാനീയങ്ങള് ഒഴിവാക്കുക
5. ശരിയായ ഉറക്കം ഉറപ്പാക്കുക
6. യോഗ, നടത്തം, മൈന്ഡ്ഫുള്നെസ് എന്നിവ വഴി സമ്മര്ദം കുറയ്ക്കുക
ജോലി സ്ഥലങ്ങളില് ഹെല്ത്ത് സ്ക്രീനിംഗ്, കോര്പ്പറേറ്റ് വെല്നെസ് പ്രോഗ്രാമുകള് നടത്തുന്നത് യുവതലമുറയെ പ്രമേഹം മുന്കൂട്ടി കണ്ടെത്താനും പ്രതിരോധിക്കാനും സഹായിക്കുന്നുണ്ട്.
Good advice
Thanks