കേരളത്തിൽ മഴയ്ക്ക് ഇന്നും സാധ്യത. മൂന്ന് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. തിരുവനന്തപുരം, ഇടുക്കി, കൊല്ലം ജില്ലകളിലാണ് യെല്ലോ അലേർട്ട് പ്രഖ്യാപിച്ചിരിക്കുന്നത്.
ബംഗാൾ ഉൾക്കടലിനു മുകളിൽ ഡിറ്റ് വാ ചുഴലിക്കാറ്റ് രൂപപ്പെട്ട സാഹചര്യത്തിൽ സംസ്ഥാനത്ത് അഞ്ചുദിവസത്തേക്ക് മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷകുടെ പ്രവചനം.
കേരളതീരത്ത് മുപ്പതാം തീയതി വരെ മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട്. 50 മുതൽ 60 കിലോമീറ്റർ വരെ വേഗതയിലുള്ള കാറ്റിനും സാധ്യതയുണ്ട്.
ബംഗാൾ ഉൾക്കടലിനു മുകളിൽ നേരത്തെ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദം ആവുകയും പിന്നീട് ഡിറ്റ് വാ ചുഴലിക്കാറ്റായി രൂപപ്പെടുകയുമായിരുന്നു.
നവംബർ 30 രാവിലെയോടെ വടക്കന് തമിഴ്നാട്, പുതുച്ചേരി, തെക്കന് ആന്ധ്രാപ്രദേശ് ചുഴലിക്കാറ്റ് തീരത്തേക്ക് നീങ്ങാനാണ് സാധ്യതയെന്നും കാലാവസ്ഥാ കേന്ദ്രം അറിയിച്ചു.