കേന്ദ്ര സര്ക്കാരിനെ വീണ്ടും പ്രകീര്ത്തിച്ച് കോണ്ഗ്രസ് നേതാവും എംപിയുമായ ശശി തരൂര്. മോദി സര്ക്കാരിന്റെ മാവോയിസ്റ്റ് വേട്ടയെ പ്രകീര്ത്തിച്ചാണ് ശശി തരൂരിന്റെ ലേഖനം. മോദി സര്ക്കാരിന്റേത് സുരക്ഷയും വികസനവും സമന്വയിപ്പിച്ചുള്ള നടപടിയാണെന്നും ലേഖനം. അമിത് ഷായുടെ പേരെടുത്ത് പറഞ്ഞും പ്രശംസയുണ്ട്.
കേരളത്തിലടക്കം നിയമസഭ തിരഞ്ഞെടുപ്പ് പടിവാതില്ക്കല് എത്തി നില്ക്കെയാണ് കേന്ദ്രസര്ക്കാര് നടപടികളെ പിന്തുണച്ച് തരൂരിന്റെ ലേഖനം വരുന്നത്. ഇന്ത്യയിലെ മാവോയിസ്റ്റ് ഭീഷണി ഒഴിഞ്ഞുപോകുമ്പോള് എന്ന തലവാചകത്തില് മംഗളം ദിനപത്രത്തില് എഴുതിയ ലേഖനത്തില് ഇന്ത്യയിലെ മാവോയിസ്റ്റ് വെല്ലുവിളി കേന്ദ്ര സര്ക്കാര് എങ്ങനെയാണ് നേരിട്ടതെന്ന് വ്യക്തമാക്കുന്നുണ്ട്.