ജൂനിയര് അസിസ്റ്റന്റ് മാനേജര് തസ്തികയിലേക്ക് ഐഡിബിഐ ബാങ്ക് അപേക്ഷ ക്ഷണിച്ചു. രാജ്യത്ത് ആകെ 1100 ഒഴിവുകളുണ്ട്. കൊച്ചി സോണില് മാത്രം 55 ഒഴിവുകളാണുള്ളത്. കുറഞ്ഞത് 60 ശതമാനം മാര്ക്കോടെ ബിരുദം പാസായവര്ക്ക് അപേക്ഷിക്കാം. എസ്സി, എസ്ടി, പിഡബ്ല്യുബിഡി ഉദ്യോഗാര്ത്ഥികള്ക്ക് 55 ശതമാനം മാര്ക്ക് മതി. ഡിപ്ലോ മാത്രം യോഗ്യതയുള്ളവര് അപേക്ഷിക്കേണ്ടതില്ല. 20-25 വയസാണ് അപേക്ഷിക്കുന്നതിനുള്ള പ്രായപരിധി.
മാര്ച്ച് 19 വരെ അപേക്ഷിക്കാം. ഏപ്രില് 12-നാകും പരീക്ഷ. ഓൺലൈൻ ടെസ്റ്റ്, ഡോക്യുമെന്റ് വെരിഫിക്കേഷൻ, പേഴ്സണൽ ഇന്റർവ്യൂ, പ്രീ റിക്രൂട്ട്മെന്റ് മെഡിക്കൽ ടെസ്റ്റ് എന്നിവ ഉൾപ്പെടുന്നതാണ് തിരഞ്ഞെടുപ്പ് പ്രക്രിയ.
ആകെ 200 ചോദ്യങ്ങള് പരീക്ഷയിലുണ്ടാകും. ലോജിക്കൽ റീസണിങ്, ഡാറ്റ അനാലിസിസ് & ഇന്റർപ്രെട്ടേഷൻ, ഇംഗ്ലീഷ് ഭാഷ, ക്വാണ്ടിറ്റേറ്റീവ് ആപ്റ്റിറ്റ്യൂഡ്, ജനറൽ/ഇക്കണോമി/ബാങ്കിംഗ് അവയര്നസ്/കമ്പ്യൂട്ടർ/ഐടി എന്നിവയില് നിന്ന് ചോദ്യങ്ങളുണ്ടാകും. തെറ്റായ ഉത്തരങ്ങള്ക്ക് 0.25 നെഗറ്റീവ് മാര്ക്കുണ്ടാകും.
എങ്ങനെ അപേക്ഷിക്കാം?
അപേക്ഷകർ ബാങ്കിന്റെ വെബ്സൈറ്റ് (https://www.idbi.bank.in/idbi-bank-careers-current-openings.aspx) സന്ദർശിച്ച് “Recruitment of Junior Assistant Manager (JAM) Grade ‘O’- Regional: 2026-27” എന്ന ലിങ്ക് തുറക്കുക. തുടർന്ന് “APPLY ONLINE” എന്ന ഓപ്ഷനിൽ ക്ലിക്ക് ചെയ്ത് അപേക്ഷിക്കാം. അപേക്ഷിക്കുന്നതിന് മുമ്പ് വിജ്ഞാപനം വിശദമായി വായിക്കണം
ആദ്യമായി രജിസ്റ്റര് ചെയ്യുന്നതിന് ‘ക്ലിക്ക് ഹിയര് ഫോര് ന്യൂ രജിസ്ട്രേഷന്’ എന്ന ടാബ് തിരഞ്ഞെടുത്ത് പേര്, കോൺടാക്റ്റ് വിവരങ്ങൾ, ഇമെയിൽ ഐഡി എന്നിവ നൽകുക. സിസ്റ്റം ഒരു പ്രൊവിഷണൽ രജിസ്ട്രേഷൻ നമ്പറും പാസ്വേഡും ജനറേറ്റ് ചെയ്യും. പ്രൊവിഷണൽ രജിസ്ട്രേഷൻ നമ്പറും പാസ്വേഡും സൂചിപ്പിക്കുന്ന ഒരു ഇമെയിലും എസ്എംഎസും അയയ്ക്കും.
അപേക്ഷാ ഫോം ഒറ്റയടിക്ക് പൂരിപ്പിക്കാൻ കഴിയുന്നില്ലെങ്കിൽ, “സേവ് ആൻഡ് നെക്സ്റ്റ്” ടാബ് തിരഞ്ഞെടുത്ത് ഡാറ്റ സേവ് ചെയ്യാൻ കഴിയും. ‘കംപ്ലീറ്റ് രജിസ്ട്രേഷന്’ ബട്ടണില് ക്ലിക്ക് ചെയ്തതിന് ശേഷം തിരുത്തലുകള് സാധ്യമല്ല. 1050 രൂപയാണ് അപേക്ഷാ ഫീസ്. എസ്സി, എസ്ടി, പിഡിബ്ല്യുബിഡി ഉദ്യോഗാര്ത്ഥികള്ക്ക് 250 രൂപ മതി.