മലപ്പുറം: മന്ത്രി പി.കെ. കുഞ്ഞാലിക്കുട്ടിക്കെതിരെ അശ്ലീല പരാമർശം നടത്തിയ സംഭവത്തിൽ ‘ബ്രഹ്മ കോഗ്നിഷൻ’ യൂട്യൂബ് ചാനലിനെതിരെ മലപ്പുറം സൈബർ ക്രൈം പൊലീസ് കേസെടുത്തു.
തിരുവനന്തപുരത്ത് നടന്ന ചടങ്ങിൽ മന്ത്രി നിലവിളക്ക് കൊളുത്തുന്ന ദൃശ്യങ്ങൾ ഉൾപ്പെടുത്തി പ്രസിദ്ധീകരിച്ച വീഡിയോയിൽ മന്ത്രിയെ അവഹേളിച്ചെന്നും മതവിഭാഗങ്ങൾക്കിടയിൽ ശത്രുതയും വിദ്വേഷവും വളർത്താൻ ശ്രമിച്ചെന്നും എഫ്.ഐ.ആറിൽ പറയുന്നു. യൂത്ത് ലീഗ് മലപ്പുറം മണ്ഡലം പ്രസിഡന്റ് ഷാഫി കാടേങ്ങൽ പൊലീസിൽ പരാതി നൽകിയിരുന്നു.