അമരാവതി: ആന്ധ്രപ്രദേശിലെ വിശാഖപട്ടണത്തുള്ള ഹിന്ദുസ്ഥാൻ പെട്രോളിയം കോർപറേഷൻ ലിമിറ്റഡിന്റെ (എച്ച്‌പിസിഎൽ) റിഫൈനറിയിൽ വൻ തീപിടിത്തം. എണ്ണ ടാങ്കിന് സമീപമാണ് തീ പടർന്നതെന്നാണ് റിപ്പോർട്ടുകൾ. സ്ഫോടനം ഉണ്ടായോ എന്നു അധികൃതർ പരിശോധിച്ചുവരികയാണ്.
ആകാശത്തേക്ക് ഉയർന്ന വലിയ ജ്വാലകളും കറുത്ത പുകയും സമീപവാസികളിൽ വലിയ ആശങ്ക പരത്തി. സമീപത്തെ മൽക്കാപുരം, ശ്രീഹരിപുരം തുടങ്ങിയ വ്യവസായ മേഖലകളിലും തീപിടിത്തം പരിഭ്രാന്തിക്ക് ഇടയാക്കി. അപകടത്തിലേക്ക് നയിച്ചത് എന്താണെന്നു വ്യക്തമായിട്ടില്ല. ആളപായമില്ലെന്നാണ് പുറത്ത് വരുന്ന റിപ്പോർട്ടുകൾ.