ശബരിമലയിലെ സംഭവവികാസങ്ങളുമായി ബന്ധപ്പെട്ട് പ്രഖ്യാപിച്ചിരിക്കുന്ന ഹര്ത്താലിനോടനുബന്ധിച്ച് വാഹന ഗതാഗതം തടസ്സപ്പെടുത്തുകയോ അക്രമങ്ങളില് ഏര്പ്പെടുകയോ ചെയ്യുന്നവര്ക്കെതിരെ കര്ശന നടപടികള് സ്വീകരിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹറ അറിയിച്ചു.
നിയമവാഴ്ചയും സമാധാനഅന്തരീക്ഷവും നിലനിര്ത്തുന്നതിനും അതിക്രമവും പൊതുമുതല് നശീകരണവും തടയുന്നതിനും പൊതുജനങ്ങളും ഹര്ത്താല് അനുകൂലികളും സഹകരിക്കണമെന്ന് അദ്ദേഹം അഭ്യര്ത്ഥിച്ചു.