കൊച്ചി: ശബരിമല ദര്ശനത്തിനായി കേരളത്തിലെത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിക്കെതിരെ പ്രതിഷേധം ശക്തമാകുന്നു. തൃപ്തി ദേശായിയെ ശബരിമലയില് ദര്ശനം നടത്താന് അനുവദിക്കില്ലെന്ന് ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന് പറഞ്ഞു. ഒരു കാരണവശാലും തൃപ്തിയെ ശബരിമലയില് ദര്ശനം നടത്താന് സമ്മതിക്കില്ലെന്നും അദ്ദേഹം കൂട്ടിച്ചേര്ത്തു.ആക്ടിവിസ്റ്റുകളെ ശബരിമലയില് പ്രവേശിപ്പിക്കില്ലെന്നും തൃപ്തി ദേശായിയെ തടയാന് സര്ക്കാര് നടപടി എടുക്കണമെന്നും സുരേന്ദ്രന് ആവശ്യപ്പെട്ടു. അതേസമയം തൃപ്തി ദേശായിയെ ശബരിമലയിലേക്ക് മാത്രമല്ല, കൊച്ചിയിലെ ഹോട്ടലിലേക്ക് പോലും പോകാന് അനുവദിക്കില്ലെന്ന് പ്രതിഷേധക്കാര് പറഞ്ഞു. രാവിലെ 4.45ന് ഇന്റിഗോ വിമാനത്തിലെത്തിയ തൃപ്തി ദേശായിയും മറ്റ് അഞ്ച് സ്ത്രീകളും പുറത്തിറങ്ങാനാവാതെ ഇപ്പോഴും വിമാനത്താവളത്തിനുള്ളില് തന്നെ തുടരുകയാണ്.
2018-11-16