ന്യൂഡല്ഹി : അതിര്ത്തിയില് യുദ്ധസമാനമായ സാഹചര്യം നിലനില്ക്കേ പിടിയിലായ ഇന്ത്യന് പൈലറ്റ് അഭിനന്ദനെ ഉടന് പാകിസ്ഥാന് മോചിപ്പിച്ചേക്കുമെന്ന് റിപ്പോര്ട്ടുകള്. പാക് സൈനികരുടെ പിടിയിലായ ഇന്ത്യന് പൈലറ്റിനെ വിട്ടുനല്കുന്ന കാര്യം പരിഗണനയിലെന്ന് പാക് വിദേശകാര്യ മന്ത്രി എസ്. എം. ഖുറേഷി പ്രതികരിച്ചതായുള്ള റിപ്പോര്ട്ടുകളാണ് പുറത്ത് വരുന്നത്. നയതന്ത്ര നീക്കങ്ങളിലൂടെ പാകിസ്ഥാനു മേല് സമ്മര്ദ്ദം ചെലുത്തിയായിരുന്നു കേന്ദ്ര നീക്കം.
പാകിസ്ഥാന് പോര്വിമാനങ്ങള് അതിര്ത്തി ലംഘിക്കാന് ശ്രമിച്ചത് തടയാന് ശ്രമിക്കുന്നതിനിടെയാണ് മിഗ് 21 തകര്ന്ന് ഇന്ത്യന് പൈലറ്റ് പാക് സൈനികരുടെ പിടിയിലായത്. ഇന്ത്യന് വ്യോമസേനയിലെ വിംഗ് കമാന്ഡറായ അഭിനന്ദിനെ വിട്ടു കിട്ടണമെന്ന് ഇന്ത്യ ഇന്നലെ തന്നെ ആവശ്യപ്പെട്ടിരുന്നു. ഇതിനു വേണ്ടി
കേന്ദ്രസര്ക്കാര് ശ്രമങ്ങളും തുടങ്ങിയിരുന്നു.