റഷ്യയില് പറന്നുകൊണ്ടിരുന്ന വിമാനത്തിന് തീപിടിച്ച് 41 പേര്ക്ക് ദാരുണാന്ത്യം.78 യാത്രക്കാരിൽ 37 പേർ രക്ഷപെട്ടു. അപകട സാധ്യത മുന്നില്കണ്ട് അടിയന്തരമായി നിലത്തിറക്കാനുള്ള ശ്രമങ്ങള്ക്കിടെയാണ് വിമാനത്തിന് തീപിടിച്ചത്. റഷ്യന് തലസ്ഥാനമായ മോസ്കോയില് പ്രാദേശിക സമയം വൈകീട്ട് ആറ് മണിയോടെയായിരുന്നു അപകടം.
സുഖോയ് സൂപര്ജെറ്റ് വിഭാഗത്തില്പ്പെട്ട വിമാനത്തിനാണ് തീപിടച്ചത്. വിമാനം അടിയന്തരമായി നിലത്തിറക്കാനുള്ള ശ്രമങ്ങള്ക്കിടെയായിരുന്നു തീപിടിത്തം. വിമാനത്തിന്റെ പിന്നില് നിന്നാണ് തീ ആളിപ്പടര്ന്നത്. ഇതിനിടയിലും മനോവീര്യം കൈവിടാതെ പൈലറ്റ് വിമാനം നിലത്തിറക്കിയതാണ് വന് ദുരന്തം ഒഴിവാക്കിയതെന്ന് ദൃക്സാക്ഷികള് പറഞ്ഞു. വിമാനത്തില് 78 യാത്രക്കാരുണ്ടായിരുന്നെന്നാണ് റിപ്പോര്ട്ടുകള്. കൂടുതല് പേരും എമര്ജെന്സി എക്സിറ്റ് വഴി പുറത്തിറങ്ങുകായിരുന്നു. മരിച്ചവരില് കുട്ടികളുമുണ്ട് എന്നാണ് സൂചന.