നടന് സിദ്ധിഖിനെതിരെ ഗുരുതര ലൈംഗികാരോപണവുമായി നടി രേവതി സമ്പത്ത്. ഫേസ്ബുക്കിലൂടെയാണ് നടി ആരോപണമുന്നയിച്ചിരിക്കുന്നത്. 2016-ല് തിരുവനന്തപുരം നിള തിയേറ്ററില് വച്ച് ‘സുഖമായിയിരിക്കട്ടെ’ എന്ന ചിത്രത്തിന്റെ പ്രിവ്യൂ ഷോക്കിടെ സിദ്ധിഖ് തന്നെ ലൈംഗികമായി അതിക്രമിക്കാൻ ശ്രമിച്ചുവെന്നാണ് രേവതി പറയുന്നത്.
നടി ആക്രമിക്കപ്പെട്ട വിഷയത്തിൽ എ.എം.എം.എയുടെ പ്രതികരണമറിയിക്കാനെത്തിയ സിദ്ധീഖിന്റേയും നടി കെ.പി.എസ്.സി ലളിതയുടെയും പത്ര സമ്മേളന വീഡിയോ പങ്കു വെച്ചു കൊണ്ടായിരുന്നു രേവതിയുടെ ഇംഗ്ലിഷിലുള്ള പോസ്റ്റ്.
‘ഈ വീഡിയോ കണ്ടതിന് ശേഷം ഇത് പറയാതിരിക്കാന് ഇനിയും എന്നെ കൊണ്ട് സാധിക്കില്ല. ഈ നടന്, സിദ്ധീക്ക് 2016-ല് തിരുവനന്തപുരം നിള തിയേറ്ററില് വച്ച് ‘സുഖമായിരിക്കട്ടെ’ എന്ന ചിത്രത്തിന്റെ പ്രിവ്യൂവില് വെച്ച് എന്നെ ലൈംഗികമായി ആക്രമിച്ചു. അദ്ദേഹത്തിന്റെ വാക്കുകള് കൊണ്ടുള്ള ലൈംഗിക അധിക്ഷേപങ്ങള് ഇരുപത്തിയൊന്നുകാരിയായ എന്നെ മാനസികമായി തളര്ത്തി. അദ്ദേഹത്തിന് ഒരു മകളുണ്ടെന്നാണ് എന്റെ ഊഹം. അവള് അദ്ദേഹത്തിന്റെ അടുത്ത് സുരക്ഷിതമായിരിക്കുമോയെന്ന് ചിന്തിക്കുകയാണ്.ഇതേ കാര്യം നിങ്ങളുടെ മകള്ക്കാണ് സംഭവിച്ചിരിക്കുന്നതെങ്കില് എങ്ങനെയാണ് സിദ്ധിഖ് നിങ്ങള് പ്രതികരിക്കുക? വളരെ അന്തസോടെ പ്രവര്ത്തിക്കുന്ന ഡബ്ല്യൂസിസി പോലത്തെ ഒരു സംഘടനയ്ക്കെതിരെ വിരല് ചൂണ്ടാല് നിങ്ങള്ക്ക് എന്ത് യോഗ്യതയാണുള്ളത്. നിങ്ങള് ഇത് അര്ഹിക്കുന്നുണ്ടോ? സ്വയം ചിന്തിച്ചുനോക്കൂ. ഉളുപ്പ് ഉണ്ടോ? സ്വയം മാന്യന് എന്ന് വിളിക്കുന്ന ഇദ്ദേഹത്തെ ഒക്കെ ഫിലിം ഇന്ഡസ്ട്രിയില് നിന്ന് പുറത്താക്കണം.’ രേവതി പറയുന്നു.