മലപ്പുറം: താനൂരില് മുസ്ലിം ലീഗ് പ്രവര്ത്തകനെ വെട്ടികൊലപ്പെടുത്തിയ സംഭവത്തില് പ്രതിഷേധിച്ച് നാളെ മലപ്പുറം ജില്ലയിലെ തീരദേശ മേഖലകളില് യുഡിഎഫ് ഹര്ത്താല് പ്രഖ്യാപിച്ചു. രാവിലെ 6 മണി മുതല് വൈകിട്ട് 6 മണി വരെയാണ് ഹര്ത്താല്. പൊന്നാനി, തിരൂര്, തിരൂരങ്ങാടി, പരപ്പനങ്ങാടി എന്നിവിടങ്ങളിലാണ് ഹര്ത്താല്.
അഞ്ചുടി സ്വദേശി ഇസ്ഹാഖ് ആണ് കൊല്ലപ്പെട്ടത്. കൊലപാതകത്തിനു പിന്നില് സിപിഎം ആണെന്ന് മുസ്ലീം ലീഗ് ആരോപിച്ചു. രാത്രി ഏഴരയോടെയാണ് അഞ്ചുടിയില് വച്ച് ഇസ്ഹാഖിനു നേരെ ആക്രമണമുണ്ടായത്. വീട്ടില് നിന്നും കവലയിലേക്ക് വരുന്നതിനിടെ ആളൊഴിഞ്ഞ സ്ഥലത്തു വച്ചാണ് ആക്രമണമുണ്ടായത്. വെട്ടേറ്റ് ഗുരുതരാവസ്ഥയിലായ ഇസ്ഹാഖിനെ തിരൂര് ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.