തിരുവനന്തപുരം: പൗരത്വ നിയമ ഭേദഗതിക്കെതിരെ നാളെ സംസ്ഥാനത്ത് പ്രഖ്യാപിച്ചിട്ടുള്ള ഹര്ത്താല് പിന്വലിക്കണമെന്ന് പൊലീസ് മേധാവി ലോക്നാഥ് ബെഹ്റ. ഹര്ത്താല് സംബന്ധിച്ച് കോടതി നല്കിയിട്ടുള്ള നിര്ദേശങ്ങള് പാലിച്ചിട്ടില്ലാത്തതിനാല് ഈ ഹര്ത്താല് നിയമവിരുദ്ധമാണെന്ന് ലോക്നാഥ് ബെഹ്റ പറഞ്ഞു.
‘ഹര്ത്താല് നടത്താന് ഏഴ് ദിവസംമുന്നേ നോട്ടീസ് നല്കണമെന്നാണ് നിയമം. എന്നാല് ഹര്ത്താല് പ്രഖ്യാപിച്ച സംഘടനങ്ങള് ഇത് പാലിച്ചിട്ടില്ല. അതിനാല് ഈ ഹര്ത്താല് നിയമവിരുദ്ധമാണ്. ഇതുസംബന്ധിച്ച നോട്ടീസ് സംഘടനകള്ക്ക് നല്കിയിട്ടുണ്ട്. ഇത് അവഗണിച്ച് ഹര്ത്താല് നടത്തിയാല് നിയമ നടപടി സ്വീകരിക്കും.’ -ബെഹ്റ വ്യക്തമാക്കി.