ന്യൂഡല്ഹി: നിര്ഭയ കേസ് പ്രതി പവന് കുമാര് ഗുപ്ത വധശിക്ഷ ജീവപര്യന്തമാക്കി കുറയ്ക്കാൻ സുപ്രീം കോടതിയെ സമീപിച്ചു. കേസിലെ പ്രതികളുടെ വധശിക്ഷ നടപ്പാക്കാന് ദിവസങ്ങള് അവശേഷിക്കെയാണ് ഇയാൾ ഹർജി നൽകിയിരിക്കുന്നത്.
കേസിലെ പ്രതികളായ പവന് ഗുപ്ത, മുകേഷ് കുമാര് സിങ്, വിനയ് കുമാര് ശര്മ, അക്ഷയ് എന്നിവരെ മാര്ച്ച് മൂന്നിന് രാവിലെ ആറുമണിക്ക് വധശിക്ഷയ്ക്ക് വിധേയരാക്കണമെന്ന് ഡല്ഹി അഡീഷണല് സെഷന്സ് കോടതി നേരത്തെ മരണ വാറന്റ് പുറപ്പെടുവിച്ചിരുന്നു.
2012 ഡിസംബര് പതിനാറിനാണ് പാരാമെഡിക്കല് വിദ്യാര്ഥിനിയായ 23കാരി കൂട്ടബലാത്സംഗത്തിന് ഇരയായത്. പ്രായപൂര്ത്തിയാകാത്ത ഒരാള് ഉള്പ്പെടെ കേസില് ആറുപ്രതികളാണ് ഉണ്ടായിരുന്നത്.
2020-02-28