കാസര്കോട്: കൊറോണ ബാധ സംശയിച്ച് കാസര്കോട്, മഞ്ചേശ്വരം എംഎല്എമാര് വീടുകളില് നിരീക്ഷണത്തില്. വ്യാഴാഴ്ച കാസര്കോട് വൈറസ് ബാധ സ്ഥിരീകരിച്ച ആളുകളുമായി ഇവര് സമ്പർക്കത്തിൽ ഏര്പ്പെട്ടിരുന്നു. അഞ്ചുദിവസത്തിനിടെ വിവാഹച്ചടങ്ങുകളില് ഉള്പ്പെടെ വൈറസ് ബാധിതന് പങ്കെടുത്തിരുന്നു എന്നാണ് റിപ്പോര്ട്ട്.
കാസര്കോട് എംഎല്എ എന്.എ നെല്ലിക്കുന്ന്, മഞ്ചേശ്വരം എംഎല്എ എം.സി ഖമറുദ്ദീന് എന്നിവരാണ് നിരീക്ഷണത്തിലുള്ളത്. മുന്കരുതല് എന്ന നിലയില് മാത്രമാണ് എംഎല്എമാരെ വീട്ടില് നിരീക്ഷണത്തില് പാര്പ്പിച്ചിരിക്കുന്നത്. കല്യാണങ്ങളിലും പൊതു പരിപാടികളിലുമാണ് എംഎല്എമാര് രോഗബാധ സ്ഥിരീകരിച്ച ആളുമായി ഒരുമിച്ച് പങ്കെടുത്തത്. എം.സി ഖമറുദ്ദീനുമായി ഹസ്തദാനം നല്കുകയും ചെയ്തിരുന്നതായാണ് സൂചന.
2020-03-20