ലഖ്നോ: ഉത്തര്പ്രദേശിലെ അയോധ്യയിലും ഹാമിര്പൂരിലും തിങ്കളാഴ്ചയുണ്ടായ വാഹനാപകടത്തില് 30 അന്തര്സംസ്ഥാന തൊഴിലാളികള്ക്ക് പരിക്ക്. നാട്ടിലേക്ക് മടങ്ങുന്ന തൊഴിലാളികള്ക്കാണ് പരിക്കേറ്റത്.
മുംബൈയില് നിന്ന് സിദ്ധാര്ത്ഥനഗറിലേക്ക് തൊഴിലാളികളുമായി പോവുകയായിരുന്ന പിക്ക്അപ് വാനാണ് അയോധ്യയില് അപകടത്തില്പെട്ടത്. എന്.എച്ച് 28ല് ട്രക്കുമായി കൂട്ടിയിടിക്കുകയായിരുന്നു. സംഭവത്തില് 21 പേര്ക്ക് പരിക്കേറ്റു. ട്രക്കിനെ മറികടക്കാന് പിക്ക് അപ് വാന് ശ്രമിക്കുന്നതിനിടെയാണ് അപകടമെന്ന് പൊലീസ് പറഞ്ഞു.
സാരമായി പരിക്കേറ്റ ഏഴുപേരെ ആശുപത്രിയില് അഡ്മിറ്റുചെയ്തു. 14 പേരെ പ്രഥമശുശ്രൂഷക്ക് ശേഷം വിട്ടയച്ചതായി അയോധ്യ ജില്ല മജിസ്ട്രേറ്റ് അനുജ് ഝാ പറഞ്ഞു.
നോയിഡയില് നിന്ന് മഹോബയിലേക്ക് പോകുന്ന തൊഴിലാളികളാണ് ഹാമിര്പൂരില് അപകടത്തില്പെട്ടത്. ഇവര് സഞ്ചരിച്ച ബസ് ബദന്പൂര് ഗ്രാമത്തിന് സമീപം മറിയുകയായിരുന്നു. 11 പേര്ക്ക് പരിക്കേറ്റതായി ഹാമിര്പൂര് എസ്പി ശ്ലോക് കുമാര് പറഞ്ഞു. ബസിലുണ്ടായിരുന്ന 31 യാത്രക്കാരില് 20 പേരും പരിക്കുകളില്ലാതെ രക്ഷപ്പെട്ടു.
2020-05-18