തിരുവനന്തപുരം: മുഖ്യമന്ത്രി പിണറായി വിജയൻറെ മകള് വീണയും ഡി.വൈ.എഫ്.ഐ അഖിലേന്ത്യാ പ്രസിഡന്റ് മുഹമ്മദ് റിയാസും വിവാഹിതരാകുന്നു. ഇരുവരുടെയും രണ്ടാം വിവാഹമാണിത്. ഈ മാസം 15ന് അടുത്ത ബന്ധുക്കള് മാത്രം പങ്കെടുക്കുന്ന ലളിതമായ ചടങ്ങിലായിരിക്കും വിവാഹം. ഐ.ടി. കമ്പനിയായ എക്സലോജിക് സൊല്യൂഷന്സ് പ്രൈവറ്റ് ലിമിറ്റഡ് ഡയറക്ടറാണ് വീണ. എസ്.എഫ്.ഐ വിദ്യാര്ഥി രാഷ്ട്രീയത്തിലൂടെ കടന്നുവന്ന മുഹമ്മദ് റിയാസ് ഡി.വൈ.എഫ്.ഐയുടെ സംസ്ഥാന നേതൃത്വത്തിലൂടെയാണ് ദേശീയ അധ്യക്ഷ സ്ഥാനത്ത് എത്തിയത്. 2009ല് കോഴിക്കോട് ലോക്സഭാ സീറ്റിലെ ഇടതു മുന്നണി സ്ഥാനാർത്ഥിയായിരുന്നു മുഹമ്മദ് റിയാസ്.
2020-06-09