തിരുവനന്തപുരം: വിദേശ സംരംഭകര്ക്കും പ്രവാസി മലയാളികള്ക്കും കേരളത്തില് നിക്ഷേപത്തിന് ഏറ്റവും നല്ല സാദ്ധ്യതയാണ് സംജാതമായിരിക്കുന്നതെന്ന് വ്യവസായ മന്ത്രി ഇ പി ജയരാജന് പറഞ്ഞു. നിക്ഷേപത്തിന് സന്നദ്ധരാകുന്നവര്ക്ക് എല്ലാ പിന്തുണയും നല്കും. കൊവിഡാനന്തര കേരളത്തില് വ്യവസായം, കൃഷി മേഖലകള്ക്കാണ് ഗവണ്മെന്റ് പ്രാധാന്യം നല്കുന്നത്. വ്യവസായ നിക്ഷേപത്തിനുള്ള അനുമതികള് അങ്ങേയറ്റം ലളിതമാക്കുകയും സംരംഭങ്ങള്ക്ക് വിപുലമായ അടിസ്ഥാന സൗകര്യങ്ങള് ഒരുക്കുകയും ചെയ്യുന്നതായി ബ്രിട്ടനിലെ മലയാളി കൂട്ടായ്മകളുടെ പ്രതിനിധികളുമായി നടത്തിയ വീഡിയോ കോണ്ഫറന്സില് മന്ത്രി വ്യക്തമാക്കി.
2020-06-11