തിരുവനന്തപുരം : കൊവിഡ് സര്ട്ടിഫിക്കറ്റ് ഇല്ലാതെ പ്രവാസികള്ക്ക് നാട്ടിലേക്ക് വരാനാകില്ലെന്ന നിബന്ധനയില് ഇളവ് വരുത്താന് സംസ്ഥാനസര്ക്കാര് തീരുമാനിച്ചു.പരിശോധനാ സൗകര്യമില്ലാത്ത രാജ്യങ്ങളില് നിന്ന് വരുന്ന പ്രവാസികള്ക്ക് നോ കൊവിഡ് സര്ട്ടിഫിക്കറ്റ് വേണ്ട, പകരം പിപിഇ കിറ്റ് ധരിച്ചാല് മതിയെന്നാണ് തിരുവനന്തപുരത്ത് ചേര്ന്ന മന്ത്രിസഭായോഗം തീരുമാനിച്ചത്. യാത്ര ചെയ്യുന്നവര്ക്ക് പിപിഇ കിറ്റുകള് നല്കാന് വിമാനക്കമ്ബനികളോട് സംസ്ഥാനസര്ക്കാര് നിര്ദേശിച്ചേക്കും. പരിശോധനാസൗകര്യമില്ലാത്ത സൗദി, കുവൈറ്റ്, ബഹ്റിന്, ഒമാന് എന്നീ രാജ്യങ്ങളില് നിന്നുള്ളവര്ക്കാണ് ഇളവ്. ഖത്തറിലും യുഎഇയിലും പരിശോധനാസൗകര്യങ്ങളുണ്ട്. ഇവിടെ നിന്ന് വരുന്നവര്ക്ക് പരിശോധന നിര്ബന്ധമാണ്.
2020-06-24