തിരുവനന്തപുരം: സര്വകലാശാലകള്ക്ക് പരീക്ഷ നടത്തുന്നതിനും ഫലം പ്രസിദ്ധീകരിക്കുന്നതിനും സമയക്ലിപ്തത ഉണ്ടാവണമെന്ന് മുഖ്യമന്ത്രി പിണറായി വിജയന്. ഉന്നതവിദ്യാഭ്യാസ രംഗം മെച്ചപ്പെടുത്താന് ഗൗരവമായ നടപടികള് എടുക്കുമെന്നും സര്വകലാശാലകള് ഉന്നതവിദ്യാഭ്യാസത്തിന്റെ കേന്ദ്രങ്ങളായി മാറണമെന്നും അദ്ദേഹം പറഞ്ഞു.
സര്വ്വകലാശാലകളില് ചില ഘടനാപരിഷ്കാരങ്ങളും വേണ്ടിവരുമെന്നാണ് സര്ക്കാര് കരുതുന്നത്. സാങ്കേതിക സര്വകലാശാലയുടെ ഗവേണിങ് ബോഡി ഉടന് നിലവില് കൊണ്ടുവരും. വിദ്യാര്ത്ഥി സംഘടനാ സ്വാതന്ത്ര്യം ഉറപ്പുവരുത്തുന്നതിനുളള നിയമം കൊണ്ടുവരുന്നതിന് സര്ക്കാര് പ്രതിജ്ഞാബദ്ധമാണെന്നും മുഖ്യമന്ത്രി പറഞ്ഞു. വിദ്യാഭ്യാസ രംഗത്തെ സര്ക്കാരിന്റെ രണ്ടുവര്ഷത്തെ പ്രവര്ത്തനങ്ങളെക്കുറിച്ച് വിദ്യാര്ത്ഥി സംഘടനാപ്രതിനിധികളുടെ അഭിപ്രായമാരായാന് വിളിച്ചുചേര്ത്ത യോഗത്തില് സംസാരിക്കുകയായിരുന്നു അദ്ദേഹം.