തിരുവനന്തപുരം: മാധ്യമപ്രവര്ത്തകന് കെ എം ബഷീറിനെ വാഹനമിടിച്ചു കൊലപ്പെടുത്തിയ കേസില് ഒന്നാം പ്രതിയും ഐ എ എസ് ഓഫീസറുമായ ശ്രീറാം വെങ്കിട്ടരാമന് ജാമ്യം അനുവദിച്ചു. ഒന്നാം ക്ലാസ് മജിസ്ട്രേറ്റ് കോടതി (മൂന്ന്) ആണ് ജാമ്യം അനുവദിച്ചത്. കേസില് ഒന്നാം പ്രതിയായ ശ്രീറാം വെങ്കിട്ടരാമന് തിങ്കളാഴ്ച കോടതിയില് ഹാജരായിരുന്നു. നേരത്തെ മൂന്നുതവണ ഹാജരാകാതിരുന്നതിനാല് തിങ്കളാഴ്ച ഹാജരാകണമെന്ന് കോടതി അന്ത്യശാസനം നല്കിയിരുന്നു. അതേസമയം കേസില് രണ്ടാം പ്രതിയും ശ്രീറാമിന്റെ സുഹൃത്തുമായ വഫ നേരത്തെ ജാമ്യമെടുത്തിരുന്നു. 50,000 രൂപയുടെ സ്വന്തം ജാമ്യ ബോണ്ടിന്മേലും തുല്യ തുകയ്ക്കുള്ള രണ്ടാള് ജാമ്യ ബോണ്ടിന്മേലുമാണ് വഫയ്ക്ക് കോടതി ജാമ്യം അനുവദിച്ചത്. അപകടസമയത്ത് ശ്രീറാം ഓടിച്ചിരുന്നത് വഫയുടെ പേരിലുള്ള വാഹനമാണ്.
2020-10-12