തിരുവനന്തപുരം: അടുത്ത ആഴ്ചയില് ഒരു ദിവസത്തെ കേസുകളുടെ എണ്ണത്തില് ഏറ്റവും വര്ധനവ് തിരുവനന്തപുരത്തായിരിക്കുമെന്ന് മുഖ്യമന്ത്രി വാര്ത്താസമ്മേളനത്തില് അറിയിച്ചു. അഞ്ച് ശതമാനം വര്ധനവാണ് പ്രതീക്ഷിക്കുന്നത്. തൃശ്ശൂരില് ഒരു ശതമാനം വര്ധനവും പ്രതീക്ഷിക്കുന്നുവെന്നും മുഖ്യമന്ത്രി പറഞ്ഞു.മറ്റു ജില്ലകളിലെല്ലാം കൊവിഡ് കേസുകള് കുറയും എന്നാണ് പ്രതീക്ഷ.
നിരവധി പഞ്ചായത്തുകളില് ടിപിആര് ഉയര്ന്നു നില്ക്കുകയാണ്. ഇത്തരം പഞ്ചായത്തുകളെ കണ്ടെത്തി അവയെ കണ്ടെയ്ന്മെന്റ് സോണായി തിരിച്ച് കര്ശന നിയന്ത്രണം ഏര്പ്പെടുത്തേണ്ടി വരും. ടിപിആര് അധികം ഉയര്ന്നതല്ലെങ്കിലും അധിക ടിപിആര് ഉള്ള മറ്റു പഞ്ചായത്തുകളിലും നിയന്ത്രണം വേണം.
തദ്ദേശസ്ഥാപനങ്ങളിലെ ഏഴ് ദിവസത്തെ ശരാശരി ടിപിആര് എട്ട് ശതമാനത്തിന് താഴെ വന്നാല് അതിനെ കുറഞ്ഞ വ്യാപനമായി കണക്കാക്കും. എട്ടിനും 20 ശതമാനത്തിനും ഇടയിലാണ് വ്യാപനമെങ്കിലും ഭാഗീക നിയന്ത്രണമുണ്ടാവും. 20 ശതമാനത്തിന് മുകളിലാണ് ടിപിആര് എങ്കില് അവിടെ അതിതീവ്രവ്യാപനമേഖലയായി കണക്കാക്കി നിയന്ത്രണം ഏര്പ്പെടുത്തും. 30 ശതമാനത്തിന് മുകളിലേക്ക് ടിപിആര് വന്നാല് കര്ശനനിയന്ത്രണം ഉണ്ടാവുമെന്നും മുഖ്യമന്ത്രി വ്യക്തമാക്കി.