തിരുവനന്തപുരം: താലിബാനെ തളളിപ്പറയാന് കേരളത്തിലെ മുസ്ലിം മത പണ്ഡിത നേതൃത്വം തയ്യാറാകണമെന്ന് ബി.ജെ.പി നേതാവ് ശോഭാ സുരേന്ദ്രന്. ഇസ്ലാമിക സമൂഹം നേടിയെടുത്ത സാംസ്കാരിക പുരോഗതിയെ തകര്ത്ത്, ലോകത്തെ മുസ്ലിം രാഷ്ട്രങ്ങള്ക്ക് തെറ്റായ സന്ദേശം നല്കുകയാണ് താലിബാനിസം. താലിബാന് കയ്യടിക്കുന്നവര് നമ്മുടെ സമൂഹത്തിലുണ്ടെന്നത് ആശങ്കയുളവാക്കുന്നതായും ശോഭാ സുരേന്ദ്രന് ഫേസ്ബുക്കില് കുറിച്ചു.
പാക്കിസ്ഥാനുമായി അതിർത്തി പങ്കിടുന്ന പക്തിക പ്രവിശ്യയും, ചെറിയ കുനാർ പ്രവിശ്യയും വടക്ക് ഫരിയാബ് പ്രവിശ്യയും മധ്യ പ്രവിശ്യയായ ദായ്കുണ്ഡിയും താലിബാൻ പിടിച്ചെടുത്തതായി നിലവിൽ പറയപ്പെടുന്നു. കാബൂൾ നഗരം കൂടി താലിബാൻ കീഴടക്കിയിരിക്കുകയാണ്. മിക്കയിടത്തും ഏറ്റുമുട്ടലിന് നിൽക്കാതെ അഫ്ഗാൻ സൈന്യം പിന്മാറുകയാണ്.
