മനാമ: ബഹ്റൈനിലുണ്ടായ വാഹനാപകടത്തില് നാലു മലയാളികള് ഉള്പ്പെടെ അഞ്ച് പേര് മരിച്ചു. വെള്ളിയാഴ്ച രാത്രിയിലാണ് അപകടം. ഇവര് സഞ്ചരിച്ച കാര് ട്രക്കുമായി കൂട്ടിയിടിച്ചാണ് അപകടമുണ്ടായതെന്നാണ് വിവരം. മുഹറഖിലെ സ്വകാര്യ ആശുപത്രിയിലെ ജീവനക്കാരാണ് മരിച്ച അഞ്ചുപേരും.
കോഴിക്കോട് സ്വദേശി വി.പി.മഹേഷ്, മലപ്പുറം പെരിന്തല്മണ്ണ സ്വദേശി ജഗത് വാസുദേവന്, തൃശ്ശൂര് ചാലക്കുടി സ്വദേശി ഗൈദര് ജോര്ജ്, തലശേരി സ്വദേശി അഖില് രഘു എന്നിവരാണ് മരിച്ച മലയാളികള്. തെലങ്കാന സ്വദേശി സുമന് രാജണ്ണയാണ് മരിച്ച അഞ്ചാമന്. സല്മാബാദില്നിന്ന് മുഹറഖിലേക്കു പോകുമ്പോഴാണ് മലയാളികള് ഉള്പ്പെട്ട സംഘം അപകടത്തില്പ്പെട്ടത്. മൃതദേഹങ്ങള് സല്മാനിയ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. തുടര്നടപടികള് സ്വീകരിച്ചിട്ടുണ്ടെന്ന് ആഭ്യന്തര മന്ത്രാലയം അറിയിച്ചു.