മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന എമ്പുരാന്റെ ബജറ്റ് എത്രയെന്ന് ഇനിയും അണിയറപ്രവര്ത്തകര് ഔദ്യോഗികമായി വ്യക്തമാക്കിയിട്ടില്ല. നായകന്റെ പ്രതിഫലം 80 കോടി, സിനിമ 20 കോടി, അങ്ങനെ 100 കോടി എന്ന നിലയില് എടുത്ത ചിത്രമല്ല ഇതെന്ന് പൃഥ്വിരാജ് വ്യക്തമാക്കിയിട്ടുമുണ്ട്.
എന്നാല് ഒരഭിമുഖത്തിനിടെ മോഹന്ലാലിന്റെ പ്രതിഫലം എത്രയാണെന്ന ചോദ്യം പൃഥ്വിരാജിന് നേര്ക്ക് ഉയര്ന്നു. ഒരു രൂപ പോലും പ്രതിഫലം വാങ്ങാതെയാണ് മോഹന്ലാല് അഭിനയിച്ചതെന്നായിരുന്നു പൃഥ്വിയുടെ മറുപടി.
അതിനാലാണ് സിനിമ ഇത്തരത്തില് സാക്ഷാത്കരിക്കപ്പെട്ടതെന്നും അദ്ദേഹം വ്യക്തമാക്കി. അതേസമയം എമ്പുരാന്റെ ട്രെയിലറിന് വന് വരവേല്പ്പാണ് ലഭിച്ചത്. മാര്ച്ച് 27ന് ചിത്രം ആഗോള തലത്തില് റിലീസ് ചെയ്യും. മുരളി ഗോപിയുടെ രചനയില് ആന്റണി പെരുമ്പാവൂരിന്റെ ആശിര്വാദ് സിനിമാസാണ് ചിത്രം നിര്മ്മിക്കുന്നത്. മൂന്ന് ഭാഗങ്ങളായി കഥ പറയുന്ന സിനിമാ സീരീസിലെ രണ്ടാം ചിത്രമാണ് എമ്പുരാന്. 2019ല് പുറത്തിറങ്ങിയ ലൂസിഫറായിരുന്നു ഒന്നാമത്. മോഹന്ലാലിന് പുറമെ പൃഥ്വിരാജ്, മഞ്ജുവാര്യര്, ടൊവിനോ തോമസ്, ഇന്ദ്രജിത്ത് സുകുമാരന്, സുരാജ് വെഞ്ഞാറമൂട്, സാനിയ ഇയ്യപ്പന് തുടങ്ങി വന് താര നിര സിനിമയില് അണിനിരക്കുന്നു.
തള്ളി ,തള്ളി .എവിടെയെത്തും
ഇത്രയും കുറവോ