തൃശൂര്: രാഷ്ട്രപതി രാം നാഥ് കോവിന്ദിനു നേരെ വധഭീഷണി മുഴക്കിയ പൂജാരി അറസ്റ്റില്. തൃശൂര് ചിറയ്ക്കല് ഭഗവതി ക്ഷേത്രത്തിലെ പൂജാരി ജയരാമനാണ് അറസ്റ്റിലായത്.
പൊലീസ് കണ്ട്രോള് റൂമിലേക്ക് വിളിച്ചായിരുന്നു ഇയാള് വധഭീഷണി മുഴക്കിയത്. തൃശൂര് സെന്റ് തോമസ് കോളജ് ശതാബ്ദി ആഘോഷത്തിനെത്തുമ്പോള് വധിക്കുമെന്നായിരുന്നു ഭീഷണി.
പുലര്ച്ചെ ഒരു മണിയോടെയാണു സന്ദേശമെത്തിയത്. ഫോണ് നമ്പര് കണ്ടെത്തി അന്വേഷണം നടത്തിയാണ് പൊലീസ് പ്രതിയെ പിടികൂടിയത്.
ഇന്നലെയാണു പ്രത്യേക വിമാനത്തില് രാഷ്ട്രപതിയും ഭാര്യ സവിതാ കോവിന്ദും കേരളത്തിലെത്തിയത്. തിരുവനന്തപുരത്ത് വിവിധ പരിപാടികളില് പങ്കെടുക്കുന്ന രാഷ്ട്രപതി വൈകിട്ട് കൊച്ചിയിലേക്കും അവിടെനിന്നു തൃശൂരിലേക്കും തിരിക്കും.